Jerome's Latin Vulgate (405 A.D.)

Ecclesiastes 12

The Song of Songs, Which is Solomon's

Return to Index

Chapter 1

1

 osculetur me osculo oris sui quia meliora sunt ubera tua vino

2

 fraglantia unguentis optimis oleum effusum nomen tuum ideo adulescentulae dilexerunt te

3

 trahe me post te curremus introduxit me rex in cellaria sua exultabimus et laetabimur in te memores uberum tuorum super vinum recti diligunt te

4

 nigra sum sed formonsa filiae Hierusalem sicut tabernacula Cedar sicut pelles Salomonis

5

 nolite me considerare quod fusca sim quia decoloravit me sol filii matris meae pugnaverunt contra me posuerunt me custodem in vineis vineam meam non custodivi

6

 indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum

7

 si ignoras te o pulchra inter mulieres egredere et abi post vestigia gregum et pasce hedos tuos iuxta tabernacula pastorum

8

 equitatui meo in curribus Pharaonis adsimilavi te amica mea

9

 pulchrae sunt genae tuae sicut turturis collum tuum sicut monilia

10

 murenulas aureas faciemus tibi vermiculatas argento

11

 dum esset rex in accubitu suo nardus mea dedit odorem suum

12

 fasciculus murrae dilectus meus mihi inter ubera mea commorabitur

13

 botrus cypri dilectus meus mihi in vineis Engaddi

14

 ecce tu pulchra es amica mea ecce tu pulchra oculi tui columbarum

15

 ecce tu pulcher es dilecte mi et decorus lectulus noster floridus

16

 tigna domorum nostrarum cedrina laquearia nostra cypressina

Song of Solomon 2

 

 

 

HTMLBible Software - Public Domain Software by johnhurt.com

 


Other Items are Available At These Sites: