Cebuano Bible

Psalms 120

Psalms

Return to Index

Chapter 121

1

¶ Iyahat ko ang akong mga mata ngadto sa kabukiran: Diin ba magagikan ang akong tabang?

2

Ang akong tabang nagagikan kang Jehova, Nga nagbuhat sa langit ug sa yuta.

3

Dili niya itugot nga mahidalin-as ang imong mga tiil: Siya nga nagabantay kanimo dili mahatagpilaw.

4

Ania karon, siya nga nagabantay sa Israel Dili mahatagpilaw ni mahikatulog.

5

Si Jehova mao ang imong magbalantay: Si Jehova mao ang imong salimbong sa imong toong kamot.

6

Ang kainit sa adlaw dili moluya kanimo sa adlaw, Ni ang bulan sa kagabhion.

7

Si Jehova magabantay kanimo gikan sa tanan nga kadautan; Siya magabantay sa imong kalag.

8

Si Jehova magabantay sa imong paggula ug sa imong pagsulod Sukad karon ngadto sa umalabut ug sa walay katapusan.

Psalms 122

 

 

 

HTMLBible Software - Public Domain Software by johnhurt.com

 


Other Software is Available At These Sites: